2015年9月16日 星期三

歲月神偷⋯⋯被偷走的那些年!


如果每個人嘅回憶都是裝在玻璃球裡的話,那我嘅玻璃球一定是被偷走掏空了!
打從手機有拍照嘅功能以後,我就開始養成了生活上SnapShot 嘅習慣!

或者,我知道自己嘅記憶力只是比金魚嘅3秒記憶好一點點,
所以我就用相片記下回憶來!

現在你也許會明白為何我會有每日一天空照片嘅Project,
某程度上這是一個自我影像日記!

感恩!
歲月偷走了我嘅回憶,
但偷不走我與人之間嘅感情!
我就是靠身邊嘅每一位朋友、親友把回憶拼圖拼合!

感恩!
剛過去嘅星期天,見番一些好耐好耐無見嘅中學同學!
很奇怪嘅感覺!他們每一個人在我心中嘅形象好似仲停留係中一至中三那幾年!
是我太多年沒有見過佢地吧!我也不明白自己點解有大段時間失蹤了玩自閉!
太久嘅嘢我真係記不起來!也不用太追究,活在當下比較重要!
現在見番大家係好開心嘅!
他們把我忘記了嘅中學趣事,鍾意睇玉郎漫畫、鬼故事、係女廁玩銀仙、
情豆初開等等嘅傻瓜事!
一一從我被遺忘嘅記憶櫃子裡打開翻閱出來!笑了一個晚上!


謝謝你們!謝謝再次有相聚嘅機會!謝謝每一位提醒番我,那些年那些事!

我嘅玻璃球又再次裝入色彩碎片了!

~~~~~



[找了很久才找到這張相片

婆婆家的古老大鐘⋯
懷念婆婆⋯
懷念小時候聽到這個鐘響聲⋯

美好回憶 就剩下這張相片]

2015年9月1日 星期二

開學了

今天我上了英文科、常識科、音樂科、攝影科、還交了一份讀書報告!
對,我上堂嘅地方就是在職社會大學!

入了 Agency以後所接觸之層面跟以前只對住個  Monitor 嘅性質完全不同!
每天也要吸收吸收再消化!越覺自己所知嘅真係好有限,莫講話Agency之運作,諗IdeasRationale,我還努力探求中,我完全覺得自己係好似重新上學般!

以前,看廣告,多是喜歡那  execution,看過翻過了就算,完全無諗佢想表達什麼!成功在那、失敗在那?現在,完全不同了,會用多咗個腦,就算連個copy有一隻字唔識都會去找答案找到底!

就好似今日就學識咗個字 "Gelatin"-魚膠/明膠,原來係好多  pudding、甜點、糖果(就算係我喜歡嘅Gummy Bears) 甚至藥丸膠囊 都放咗呢個入去!而這來源就係提煉自animals skins !
可能這並非什麼新鮮事,但對於我來說絕對係新生字!

事緣就係看了這個Ad 不明白所以尋根究底!
https://adsoftheworld.com/media/print/vebu_gummi
https://adsoftheworld.com/media/print/vebu_cake
via Adsoftheworld.com

時刻帶住好奇心,對剛跳入這行嘅我更加重要!每事問、每事知!知識袋咗入自己個袋就一世!有時,我會諗點解我咁遲先開墾我嘅腦袋、咁遲先真真正正入番我讀個行、咁遲先至開啟我嘅第二人生!

或者,沒早沒遲,這才是適合我嘅  Right timing 吧!

終身學習、永遠無話遲!



2015年8月20日 星期四

七月



 不經不覺在新工作已3個月!開心又滿足!還收到同事們熱情的祝賀和禮物呢!

有幸聽了小克的分享會,獲益良多!他更讓我認識什麼是Lateral Thinking
立刻,開始好想開發我的腦袋,可惜第二天就病倒了。。。可能用腦過度!

發燒足足3-4天,病了真係咩都做唔到!只有瞓同埋瞓!病了一場,更加要好好保重身體!

-----

其實,今天已是8月中了,一直忙著!沒有時間整理天空照片。
M&L工作已經 4個月了!原來也完成了好多Projects,感覺學咗好多野!回望完成嘅每一個Project 感覺都是朝著我想走嘅方向去develop
很高興人生裡第二份長工也是做著自己喜歡的事!所以,每天也是很充實、快樂地過!

怎麼一直在說工作嘅?因為新工作就好似去旅行咁,咁多野想分享!其實,仲有好多事需要記住!要慢慢寫下來!

不知怎的,燒咗幾日個腦好似轉慢咗。。。我希望只是因為正開發另一邊腦袋中所以Run得比較慢!

周遭太多壞新聞、不開心資訊、還有很多荒謬的事件,只有暫時寫吓抒發文Relax一下!
或者抬頭望望天空,感恩還有藍天白雲!

2015年7月14日 星期二

試用期

上年11月坐飛機回香港時看了一套電影 "Lucy"
那套影片中的一句對白,一直都記在心中!
"生命的本質 - 生命的目的 分享及傳遞我們所學習Pass on what we learn
分享給別人 Sharing & Passing on"

我不知道我嘅經歷、我所識嘅嘢對什麼人有什麼影響力!我只知道,我好想與人分享!我相信自己分享同時,我在別人嘅身上也會有得著!不管是一句說話、一個回應、一個Idea,只要真心交流,碰在一起總會刷出一點火花!

過去3個月一直抱著這個態度上班!
沒錯!原來不經不覺已經過了試用期!\^V^/ 非常開心呢!

今天老闆 Informal 地跟我談一場,坐在Meeting Room喝著他請嘅 Green Tea Latte。3個月前第一次上班、第一次及第二次Interview坐在這Meeting Room嘅畫面浮現出來了!那時坐在陌生嘅環境那份緊張嘅心情...好似好耐咁但其實又唔係 XD
其實,上星期老闆已經跟我做過appraisal(這公司不定期會跟員工做appraisal,看看有什麼強項或弱項可以讚賞或改善,這種做法完全是希望員工可以跟公司一同成長)I really like it & I think it's necessary.

今天談嘅係,過了試用期,我正式成為公司嘅一份子了!(其實我一直都當自己係XD)
老闆說很欣賞我能帶比公司正面嘅態度 he really appreciates my positive attitudes,我會咩都肯試,唔會say no(我這個年紀梗係咩都想試啦,唔通仲等第時咩:P) 我常常係email嘅分享也算是第一人XD ! 也帶起風氣來。他也告訴我,關於跟我合作過嘅同事對我嘅看法和評價。我從沒有想過自己會有這樣好嘅評價呢!他還鼓勵我保持著這種態度呢!Being who I am !
其實,這3個月我都一直都在學習、在適應,從沒想過自己能影響別人!或許,真係 "出走" 改變了我!改變了我對人對事嘅心態!對身處嘅環境和崗位永遠抱著好奇與熱誠!就像 "出走" 時充滿好奇心咁去遊歷探索,學習和分享!

我也不知我要用多少時間去move forward去另一個階段!我沒有想太多,我只想盡力在當下!始終,我這個人嘅步伐完全跟別人不一樣,無得跟別人量度,要比較嘅就只有我自己!今天嘅我比昨天嘅我學多咗嘢、滿足感大咗,已是有進步和成功呢!不過,另一方面,我也不能永遠當自己係新人而比藉口自己唔去計劃長遠之目標以及自己想係職場上嘅大方向!係時候要開始諗諗了!


感恩!我有勇氣跳出了comfort zone
感恩!我有那8個月珍貴而難忘嘅旅程,讓我更加認識自己!

我會繼續有勇氣、努力地走我嘅第二人生!






2015年7月12日 星期日

人生 ‧ 旅程



六月

2015年又過了一半,好像只係轉眼之間!時間可唔可以走慢一點呀!

身邊好多朋友,辭工嘅辭工、轉工嘅轉工、去旅遊嘅去旅遊!
當我看見不同地方嘅風景照時我內心嘅出走心癮又會跳一跳出走!
尤其是夏天,我又會想起上年7月出走到瑞士嘅情景!

人‧ 總要面對當前要走嘅路、面對生活嘅責任!

出走需要勇氣,回來也需要勇氣!

我帶點幸運的是回來竟然能找到一份跟以前不一樣嘅工作!
因為新工作、新環境關係,每天面對也好新鮮,跟出走同樣精彩!
只是方式認真了!旅途遇見學到的都是人生體驗!職場所接觸所學到的也是人生經歷!只是範疇不同吧!

人生 每一步、每一決定都會影響著下一步!
走到今天,我  從沒後悔!
但願 我能努力走好每一天、每一步!

還有半個月就過試用期了!
或者 當我出走心癮真的癮到不行時,找一個短途旅程吧!:)

2015年5月28日 星期四

屁股碎玻璃

''心口碎大石'' 你就聽得多⋯⋯
''屁股碎玻璃'' 等我話你知 !

意外是這樣發生的。。。

起床 -> 立即係床尾起身 -> 發軟蹄 -> 腳突然無力 -> 整個人無力墮後 -> 成個屁股撞向衣櫃玻璃門。。。半隻玻璃門一秒碎晒!
個刻,我以為自己拍緊武打場面。。。我在發夢嗎?立刻呼叫還在熟睡中的媽子,我估這個場面一定嚇壞她了。我整個屁股插入了衣櫃裡去,背脊還有大塊玻璃插著(係頂住先對)有驚無險,人無事,玻璃無插入身體,只是把T Shirt 割破了。

現在回想,真係萬幸。。。


晚上,洗澡先發現會來屁股黑了一塊,點解一整天都唔覺得有痛嘅?
接著叫媽子幫忙揸跌打酒。
媽子,還用慣常之語氣’’好普通姐,兩至三日就散,我成日都撞到’’
証明,原來媽子係一個成日受傷的女人,仲要成日都收埋自己揸葯酒。。。。
(仲有我多謝幫我清理案法現場呢。。。今早已唔好意思Whatsapp佢  say thank you & sorry, 佢還sent相片比我睇佢如何收復臨時遮住個櫃門,好可愛)


宜家,摸住個屁股確係痛。。。。

以後,起床都係做點伸展動作先好落床了。。。。






2015年5月23日 星期六

黃雨

黃雨又有咩好怕喎!難得weekend見吓好耐無見嘅朋友!

西鐵線上 看見一對姊妹,年紀應該比CY1&CY2大。姊姊叫Anna,會係Frozen粉絲嗎?
車箱外好大雨,完全看不見遠景。媽媽讀過手機新聞,"新界北部有水浸" 家姐問"我地住係北部嗎?" 媽媽說不是。妹妹問"水浸係咩嚟" 家姐說"水浸係曳曳" 媽媽跟住用心地解釋咩係水浸,找來平常例子讓妹妹明白。
媽媽跟著再說"現在仲係黃雨,仲未紅雨同黑雨"
妹妹說"D雨黃色的"
媽媽再接著說"不是呀,顏色係代表落雨落多少"

她們比我早幾個站落車。
我坐到總站,出閳看見告示牌上已是紅雨了!
想起,雨的顏色來,小妹妹不是紅色啊!
同時,我也想起我兩個可愛的姨甥女們。她們是帶來笑料、歡樂多過問問題呢!明天見!:Ð

雖然雨水沒有顏色,但人生還是充滿色彩與無限可能!
視乎~ 你      怎樣去看這個世界和面對你嘅人生!
我相信!

我相信
我會再見到藍天、再見到雙彩虹、甚至係紫紅色嘅極光!:>




2015年5月22日 星期五

阿婆與師奶

新工作除了要適應環境,還有上時間和地點。以前返工都從未試過要過海,而且都係彈性上班時間,所以都無咩感受過迫地鐵嘅滋味,還好我是從頭坐到尾也不會迫餐死。

那天地鐵事件,我終於明白點解香港人個個咁躁底,係迫出來,被迫出來的。

那天接近尖沙咀站聽見有位女士好大聲咁鬧人,"你去另一卡上車實大把人讓比你格,你估你大肚大晒呀!我feel到你好明顯用手踭頂我囉!"
我估可能係個大肚婆本能反應以踭護肚吧。孕婦好似說了一句 "阿婆 乜乜乜" 這一句好像點中女人大忌∼年齡!女士即刻更加火起!"我係阿婆,你都係師奶咋!你唔會老!哼!"
之後靜了一陣子,女士繼續反擊。"睇你咪又係Sales仔!你係Sales咋!"
大肚婆當下也有反駁 "夠了!你更年期!"

雖然,我無親眼目睹她倆碰撞過程,不能定論誰時誰非,但單憑呢一句令,我已經覺得那位女士輸了!職業定人格?做Sales有什麼問題?呢個女士咁鬧人我唔覺得佢嘅身份高尚得去邊。
還好只有兩個站就到達尾站,不然這位女士應該會罵不停。
最後,兩個事主下車各走各嘅路。或者真係生活壓力大,人都好需要有自己嘅空間,但這空間似乎收縮到無晒了。連同憐恤之心也沒有了。也不知那孕婦肚裡BB出世後又會面對一個怎樣嘅世界呢?但已知的就是那女士完全無比面過那BB!



 [ 此相片跟內文不付,只係因為見到舊朋友!
係~佢係 tvb buddy ! XD ]



跟我一樣嘅路痴

每個行業唔係都應該有佢嘅專業同認證的嗎?

專業廚師無理由只係識煮獨孤一味餸吧!
專業裁縫無理由只係識造西裝䄛而唔識造西褲吧!

專業的士司機原來真係只識九龍、新界嘅路而唔識港島區嘅路?!

話說昨天與同事係觀塘區Site visit完諗住打的回公司,問咗4架的士嘅的士司機都話港島路唔識喎⋯最後第5架的士嘅的士司機攪低窗揮手示意叫我地上車。上到車我話架架的士都話唔識香港區嘅路喎。呢位的士司機都睇唔過眼話 "吓,的士司機都唔識路,揸咩的士?!"
又啱喎!的士司機唔係要考路試咩?!或者係佢地唔想過海吧!

今早打的回公司,上咗車司機又話唔識香港嗰邊D路,問我可唔可以帶路教佢點去⋯在港島區上班只有一個月嘅我,只會認到公司同地鐵站那段路咋!最後司機話車我去附近上其他的士⋯上到另一架的士,又話自己唔識路。叫我上網Search比佢⋯我話我無得上網,咁我就叫佢比佢個電話我。

最後,順利過咗海,我話我認得附近嘅路了,佢話"係呀,入面個D細街就係啦" 佢已急不及待係路口放低我。佢亦吐了一句。"唉,其實我地唔係唔想車過海客,但係我地真係唔識路!" 好想反問佢,你係的士司機,唔係應該熟讀香港各區街道地圖咩?"
我趕住落車,所以無反問佢!

搭得的士就期望的士司機能提供最佳路缐,無諗過咁多司機都係新牌?!
唔識咪熟讀佢囉!所謂敬業樂業、今時今日竟然仲有咁嘅服務態度。其實科技已進步咗,可以靠Google Map,但人都應該不繼求進步,提升自己嘅競爭性。
當然,我並唔係話個個的士司機都咁差。可能係我不幸運,遇著都跟我一樣嘅路痴司機吧⋯ XD



2015年5月12日 星期二

4 月 ~ 第二人生航行中 !



4  忙碌但開心的半個月

415日起投入了新工作!
新環境、新適應!

走進廣告業,我好似比別人起步慢了十幾年,但我係唔會同人比嘅。始終我相信我這十幾年工作經驗不是白費嘅。

從電視框走進廣告業,現在工作心態是享受過程多過爭取名利(其實我本身一直就不是一個野心好大嘅人,不然又怎可平凡地待在同一個工作崗位呢!XD )

反而宜家有點點野心就係好想盡快了解及認識廣告業嘅實際運作!要做隻八爪魚、要做舊勁吸水嘅海綿寶寶、要做一個好多好多框桶嘅大框!

收集、整理、變化、革新、運用!
這就是我在新公司近一個月嘅目標和感覺!好想用多點腦筋、開啟及觸發創怍力嘅爆發!我知道不容易,亦相信要花上很多時間和努力!這應該就是我追求嘅,如果唔係我又點會辭工、出走、試新野呢!

我嘅第二人生努力地航行中啊!
你嘅第二人生又有沒有啟航呢?

2015年4月17日 星期五

第三天



今天是第三天在新公司上班了,我已經很喜歡這間公司和我將要面對嘅工作!

說得好像有點誇張,但是真的,我的心情就像一個剛畢業生般興奮和火熱!


其實第二次出走回來不經不覺都有4個月了,除了 freelance jobs 也著急要找一份工作賺錢。

回來初頭好想找攝影師之工作,但寄出好多信也石沈大海。

或者,未是時候吧!又或者嗜好又未必一定要變成職業嘅。

開始尋找其他設計嘅工作。見過好幾份工,也開始更加了解自己想要做什麼。

有一份 motion graphic designer 嘅工作打來叫我去第二次面試,但我好坦白推了。

因為自第一次面試過後,我就知道自己不想再做回跟以前同一樣的工作,

雖然那公司也不錯,但最後我都是拒絕了。

有點搏一搏的感覺,因為我正正好需要有收入,我沒有為錢而妥協,我還想要我嘅夢想。

明知唔係自己想追求嘅,那就不要浪費大家時間吧!所以我拒絕了。

很幸運,

當我拒絕那家公司第二次面試機會嘅同一時間(真係同一個小時內),

就收到另一間公司嘅電話打來叫我去面試。

這家公司就是我現在上班的公司了。


我在這間公司嘅第一次面試感覺相當不錯,我滿有信心而自己表現也很好。

而這公司環境也很好,當我知道這公司理念和前景,

如何幫助員工去達到他們的 career path、如何對待他們每一個客戶,

我就好肯定這就是我一直 looking for 嘅公司了。


我公司是一間比較新嘅廣告公司,而我初頭申請嘅職位是 assistant art director

雖然我帶著一份熱誠好不怕死地勇於嘗試咁越級挑戰,

但始終我沒有這方面嘅實際經驗。

所以他們只能 offer me the senior motion graphic designer 嘅職位。

但他們會給予我其他工種及廣告這一行實際上如何運作嘅訓練和學習機會。

而我嘅 career path 就是朝 art director 去。

可惜,當第二次面試後,感覺自己表現不太好!

他們要我選擇一些我喜歡嘅廣告去 interview

面試後我才發現我自己嘅層面只係喜歡看,喜歡留意,喜歡那些 executions

但實際上對一個廣告背後真正嘅rationale就看不出來。

雖然,我係讀廣告設計出身,但自畢業以來就入了電視台,

所以根本無實際接觸廣告這一行。

自第二次面試過後,我已打定輸數,再開始找其他工作。

甚至想申請高雄的藝術家進駐計劃,

正當我想打計劃書(因為那是最後一天接受申請),

我就接到了公司聘請我的電話了。


沒實際經驗,也有公司願意放膽請我!

我真係覺自己好幸運呢!同時我也相信這是上天嘅安排!


短短三天的工作,我已覺得自己有好多地方不足,

好多地方想改進,好多野想學!

尤其是英文,無論寫同講都係!

有想法,也要識得 speak out 識得表達出來才可以!

可能,有好多人都會好奇怪,都70後啦,

還怎麼從頭開始,從頭來過?何不穩穩定定做番識嘅野呢?

我還未到退休年齡呢!XD

人生只能活一次,為何困死自己不去作嘗試呢?

風險可能是有,但不冒險你又怎知自己可以去到那裡呢?

或者,就是這年半嘅  gap year  給自己  train up  出了這精神來!

Think big & Dream big ! 

Do everything from your heart ! 

I believe one day I can reach my dream !


沒想到夜鬼 mode 要快速變回上班 mode 呢!

就是因為喜歡嘅工作,完全可以起到身化埋裝食埋早餐先返工呢!

我相信 "喜歡" 就是一切的動力了!




還有,好多想分享,明天再打,因為眼瞓了!