那晚站在餐廳嘅門外，突然視覺上出奇地不同，原來我企高咗一級。望遠好多, 望高好多。立時跟妹妹說，若果我有咁高就好了，她說這應該有六呎吧！
對於一個5呎多少少嘅人來講，這種高度簡直是夢寐以求，可惜我沒有六呎高！
所以坐巴士我必會坐上層，因為好喜歡看比平常高嘅視點！只有從唔同嘅角度唔同嘅視點先可以睇到與別不同嘅東西，偷窺同裝別人沖涼除外啊！XD
坐在巴士上，回想今天見工的情竟。沒錯，回來2個月終於見工了，仲要係別人新春開工，我去見工！說過想找攝影有關嘅工作，但這2個月以來sent出去嘅信都全沒有回音。或許，不是時候？考慮到追夢也要顧及家人嘅實際需要，攝影未必能當正職，但不代表有了正職就不能持續影相。就如最近一個例子就是那外傭成功把興趣推到另一層次，得到奬學金到美國修讀短期攝影課程。她並沒有因為咁而放棄本身之職業。從她身上叫我明白到工餘時間也可追尋自己嘅夢想。所以，我開始揾番Design嘅工作。
講也不信…. 16年以來，今天第二次formal interview。有點緊張！表現如何？我也不知道。始終面試經驗不多，我也不知自己表現是好是壞！就在當時盡力展示最好的自己。見工經驗也需要累積，下次會更好！面試也是一種學問呢！
大約一個半小時嘅面試，初時有點緊張 ，但慢慢信心來了。比著以前嘅我一定會全程口震震！但出走過後，人都大膽咗，面對陌生人都可以很自然地談吐。今次見這份工作好像跟我以前做開嘅不太一樣，面試時創作總監竟然問我會否對另一個position感興趣， 因為他覺得另一個position 嘅job nature 會跟我以前工作相似。那刻我心裡真係有問自己，我想嗎？但我又好想接受新挑戰喎！雖然我不知道我能否升任他的要求，但無試過又點知呢！所以，我沒有接受他suggest的。人生就是不繼嘗試和經歷。也許，未必會有second-in, 但經過今次面試我好似又了解自己多一點。而且，我也問了這位總監關於如何豐富自己創作靈感嘅問題？他說要 ”多看，多問，多想，多看成功的設計例子，反問自己為何他們成功，成功在那？ 從不同角度去想，去看。背後Concept or selling point
is far more important than 砌靚個design, 靚design
人人都可以砌到，但成功嘅 idea or concept 就唔係人人想得到，這就是
creative people 如何做到突出自己”
看似簡單但又不簡單呢。
或者真係要從多角度，多方面去創作，就好似坐係巴士上看到另類風景，如果想攝影風格與眾不同，亦都是同樣道理！
我又學了一課呢！其實見工都可以學到野呢！
趁巴士仲未到站，影多幾張街拍先！
.jpg)