第71日來到金鐘佔領現場，百感交集！
這71日以來我一直只是一位鍵盤戰士，今天晚上終於來到現場。
從干諾道中嘅中環段沿天橋一直走上去，每一地每一處也刻劃了學生們為爭取而留下嘅痕跡！
一個個帳篷，一張張貼係上面嘅訴求。
每隔一段路就看見義務木工們為學生們、市民們搭建嘅木階梯。一路走下去就是光猛嘅自修室，好多學生係裡面埋頭苦幹。有人在派發有意思嘅書簽、有人繼續在摺黃色雨傘、有人在運送及分發飯盒、台上有律師講解如何購物才不算觸犯法例。這裡就好似一個為爭取民主嘅小社區！
928那天我還在外地，好像一直沒有直接參與這場運動！但我亦會問自己如果我在香港我會走到前線支持嗎？我沒有這班青年人嘅勇敢和魄力，看見每一個帳篷、每一位都是烈士！由衷的感激他們、支持他們！
站在香港嘅連儂牆更想哭出來！石屎牆被香港人一紙一字嘅心聲包裹著，完全看不見石屎牆嘅最底層！究竟政府官員、689有沒有走過落嚟看過一張紙仔呢？
再經過海富中心，警察嘅暴力畫面又浮現我腦海來，警察都係人，應該有人性吧！佢地有無走過落嚟，邊行邊感受學生們、市民們嘅訴求呢？當佢哋使用武力嘅時候究竟心裡面係諗緊咩呢？就算是反對這場佔領嘅人，佢哋又有無行落來感受下和平佔領者們嘅心聲呢？香港不止是只有賺錢、只有眼前！當自由民主一直被蠶食鯨吞，我們還可以看得見將來嗎？
雖然是雞蛋對高牆，但合大眾之力，總有一天能把高牆推倒！
就算失望不能絶望！
小市民能做嘅雖有限，但小市民也有小市民嘅本份！
能表達嘅就要去表達！
能教育下一代嘅就去教育下一代！
能投票嘅就要去投票！
佔領行動 第71日 金鐘現場
我見證了
從奧地利帶回香港
我要真普選
沒有留言:
張貼留言