清稅

悠長假期第一天，真係好唔習慣！不想讓時間白白地過去，今天去稅局放血！一直以為只有Working Holiday才要清理離境稅，原來離港一個月也要清呢！

朋友說我傻唔應該同公司說離職理由，不然唔需要咁急清稅！因為我要無稅在身，公司才會出埋餘下嘅糧比我的！不過，反正稅遲與早都要交，咁我就早點完成吧！

下午3:30到達灣仔稅務大樓一樓攞籌，比我想像中人少呢！輪到我去到櫃台將公司比的信交給稅務人員，他跟我說再到24/F去辦理。上到去又係只有幾個人在等候，根據職員指示我入去其中一個房填寫2013-2014稅單再會見稅務主任。填完時間剛剛好，稅務主任詳閱我的文件，再幫我計計我要繳交多少稅款。喔，她說因為退稅政策，我不用交稅反而有錢退回！哈哈，以為要放血點知反而有得吸血！

之後，再在外面等埋封 Release Letter (因為我要交番呢封信比公司，公司先會比埋尾期糧嘅Cheque我的)

整個程序只需35分鐘就完成了，可能因為唔係好多人吧！而且少了一個繳款程序，所以好快就攪掂！
而且我覺得政府人員都好快手，沒有我想像中的hea住做！他們仲好nice呢！:P